*2662
12 sentyabr tarixində TREVA Real Estate daşınmaz əmlak sahəsinin aparıcı tərtibatçılarını, broker şirkətlərini və investorlarını bir araya gətirən BREE26 beynəlxalq sərgisində iştirak etdi. Tədbir ilin ən mühüm peşəkar platformalarından birinə çevrilərək daşınmaz əmlak bazarının inkişafı və tərəfdaşlıq satışlarının genişləndirilməsi baxımından mühüm müzakirə müstəvisi yaratdı.
Sərgidə yer alan TREVA stendi gün ərzində işgüzar danışıqların, layihə təqdimatlarının və şəbəkələşmənin mərkəzində oldu. Ziyarətçilərə şirkətin portfelindəki flaqman layihələr, cari investisiya imkanları və tikinti şirkətlərindən xüsusi əldəetmə şərtləri təqdim olundu. TREVA mütəxəssisləri qonaqlara planlaşdırma həlləri, alqı-satqı prosedurları və kapitalın idarə olunması perspektivləri üzrə fərdi məsləhətlər verdilər.
Tədbirin əsas diqqət mərkəzində olan istiqamətlərdən biri broker tərəfdaşları ilə əlaqələrin dərinləşdirilməsi idi. Broker.az, RNS Estate və Etagi Azerbaijan nümayəndələri ilə keçirilən görüşlərdə müştəri tələbatı, birgə satış mexanizmləri və TREVA-nın PropTech həlləri vasitəsilə tərəfdaşlıq kanallarının genişləndirilməsi məsələləri müzakirə edildi.
BREE26 nəticələrinə görə yerli daşınmaz əmlak bazarının en məhsuldar tədbirlərindən biri kimi qiymətləndirildi. 12 sentyabr tarixində bağlanan əməliyyatların ümumi həcmi 15 milyon AZN-i keçdi, iştirakçı şirkətlər tərəfindən bir gün ərzində 80-dən çox mənzil və apartament reallaşdırıldı. Bu göstəricilər sərgilənən layihələrə olan yüksək tələbatı və eksklüziv şərtlərin effektivliyini təsdiqlədi.
TREVA-nın BREE26 sərgisindəki iştirakı mövcud broker agentlikləri ilə əməkdaşlığı möhkəmləndirdi, layihələrin peşəkar auditoriya arasında tanınmasını artırdı və tərəfdaşlıq satışlarının növbəti mərhələsi üçün möhkəm zəmin yaratdı.
